Ömər Xəyyam

Mövzu: Ömər Xəyyam C. Apr. 11, 2008 6:31 pm

Sadəlövh könlümdən mən cana gəldim,

Cəfakeş canımdan fəğana gəldim.

Mənsiz də dünyanın işi keçərmiş,

Əcəba nə üçün cahana gəldim.

Hər şeyi bilməyin mənası varmı?

Ürəyi boş yerə üzmək yrarmı?

Xoş keçin, dünya yaradılarkən,

Sənin tədbirini soruşdularmı?

------------------------------------------------------------------------------------

Mənim ki mayəmi yoğurdu Qüdrət,

Yapacağım işi bilirdi əlbət.

Günahımda onun buyruğu varsa,

Bəs bu nə cəhənnəm bu nə qiyamət.

----------------------------------------------------------------------------------------------------------

Əlimdə olsaydı əgər iqtidar,

Bu köhnə fələyi yerindən yıxar.

Yerində elə bir cahan qurardım

Ki, hamı yaşardı azad, bəxtiyar.

----------------------------------------------------------------------------------------------------------

Bu iki qapılı dünya ki, vardır.

Qəm çəkən, can verən insana dardır.

Anadan olmayan hətta bir nəfəs,

Həyat sürməyənlər nə bəxtiyardır.

--------------------------------------------------------------------------------------------------------

Bir kaşı bardağı daşlara çaldım.

Ondan bu fe`limə bir cavab aldım:

"Düşün, səninçün də bir böylə gün var,

Mən də sənin kimi bir əhli haldım.

--------------------------------------------------------------------------------------------------------

Kimsənin qəlbinə toxunma tükcə

ki, "Ya Rəbb"-deməsin o incidikcə.

Mala, camala da uyma çalarlar

Camalı bir gecə, malı bir gecə.

--------------------------------------------------------------------------------------------------------